11 DESEMBER
December 11, 2016
13 DESEMBER
December 13, 2016

Gebeure

1859 – MW Pretorius word as Staatspresident van die Oranje-Vrystaat verkies

1885 – Die eerste goudstampers aan die Rand gebruik

 

Geboortes

1750 – Lady Anne Barnard, die vrou van die koloniale sekretaris Andrew Barnard en ’n kroniekskrywer van die daaglikse lewe in die kolonie in ’n reeks briewe († 6 Mei 1825)

Lady Anne Barnard was ’n Skotse digteres en brieweskryfster. Lady Anne Barnard was een van die ou Kaap se mees omstrede vroue en het baie gedoen om die verskillende bevolkingsgroepe, ná die Britse besetting van die Kaap in 1795, nader aan mekaar te bring.

1862 – Prof. Jan Kap, skrywer, literêre kritikus en redakteur van Het Westen († 25 Julie 1924)

Hy is op 12 Desember 1862 in Enschede, Nederland, gebore. In 1897 verhuis hy na Suid-Afrika, waar hy in Rustenburg hoofonderwyser word. In die Anglo-Boereoorlog werp hy sy lot by die Boere in en veg tot die einde van die oorlog. In 1905 word hy aangestel in die literariese departement van die Gereformeerde Kerk se Teologiese Skool op Potchefstroom. As literêre kritikus, redakteur van Het Westen en hoogleraar in Nederlands aan die Potchefstroomse Universiteitskollege, het hy met sy koersvaste Calvinistiese oortuigings leiding in die volkslewe, kultuur en die politiek gegee.

1877 – Nicolaas Claasen Rautenbach, pionier en Boerekryger

Nicolaas Claasen Rautenbach was een van elf kinders van pionierouers wat hulle in die Vryburgse distrik gevestig het. As 22-jarige Kapenaar het hy hom in 1899 by die Boeremagte aangesluit. Op 3 September 1901 is hy gevang. Hy is verder daarvan beskuldig dat hy Britse eiendom sou gesteel het – veertien donkies en ’n aantal dum-dum-koeëls. Hieroor is hy later die doodstraf opgelê en is hy sommer die volgende oggend reeds opgehang. Sy moeder en ’n ouderling kon die vorige aand ’n rukkie met hom gesels. Hy het berus en sy lewe blymoedig vir sy volk afgelê. Met vaste tred en ’n glimlag het hy op die valdeur gaan staan. Op bevel van die Britse leër, was talle inwoners van die dorp verplig om die openbare teregstelling by te woon.

1909 – Rosa Nepgen, komponis van Afrikaanse liedere en kerkmusiek († 14 Februarie 2000)

Rosa Sophia Cornelia Nepgen (eggenote van prof. WEG Louw) is op Barkly-Oos gebore. Sy is ’n bekende komponiste hoofsaaklik van Afrikaanse liedere en kerkmusiek. Haar publikasie sluit in 46 kunsliedere (woorde deur WEG Louw, NP van Wyk Louw, Boerneef en ander) en verskeie koorwerke (prosatekste uit die Bybel).

1915 – Freda Linde, skrywer en vertaler van kinderboeke († 7 Maart 2013)

Freda Linde was ’n Suid-Afrikaanse skrywer en vertaler van kinderboeke. Sy het hoofsaaklik in Afrikaans geskryf en het meer as 150 kinderboeke in Afrikaans, Frans en Duits vertaal.

 

Sterftes

Geen

 

Bronne:

Federasie van Afrikaanse Kultuurvereniginge. 1980. Afrikaanse Kultuuralmanak. Johannesburg: FAK.

Vriende van Afrikaans. Dae uit ons geskiedenis. ’n Afrikaanse kultuur-historiese dagboek. Kaapstad: Griffel.

https://www.sahistory.org.za

https://af.wikipedia.org/wiki/